EGM Health Services

संस्थेविषयी

"श्री ईजीएम इन्स्टिट्यूट ऑफ रिसर्च हेल्थ सर्व्हिस अँड ह्युमन गाइड सेंटर", (नाथरा) परळी वैजनाथ ही संस्था "श्रीनाथ मानवसेवा सेवा मंडळ" या संस्थेच्या अधिपत्याखाली कार्यरत आहे. या दोन्ही संस्था डॉ. एकनाथ मुंडे यांच्या अध्यक्षतेखाली कार्यरत आहेत.

"श्रीनाथ मानवसेवा सेवा मंडळ" ही १९९५ साली स्थापन झालेली बहुउद्देशीय संस्था आहे. ग्रामीण भागातील लोकांसाठी रुग्णसेवा, आरोग्य-जागरूकता, शेतीविषयक मार्गदर्शन आणि समाजसेवेचे कार्य ही संस्था सतत करत आहे.

शेतकऱ्यांना फवारणी व विषारी औषधांची सुरक्षित हाताळणी, पाणी व्यवस्थापन यावर मार्गदर्शन केले जाते. १९९५ पासून मोफत रुग्णसेवा, आरोग्य शिबिरे आणि आयुष मंत्रालयाच्या सहकार्याने डायबेटीस, हायपरटेन्शनवरील उपचार सुरू आहेत.

संस्था अपंग, निराधार, महिलांना मदत करते. किडनी व हृदय शस्त्रक्रियेसाठी सहकार्य केले जाते. पापनाथेश्वर माध्यमिक विद्यालयाद्वारे विद्यार्थ्यांना शैक्षणिक साहित्य, गणवेश, संगणकीय ज्ञान, क्रीडांगण व सांस्कृतिक उपक्रमांची सुविधा दिली जाते.

धार्मिक आणि सामाजिक कार्य

इच्छापूर्तीश्वरनाथ महादेव मंदिर (नाथरा) दिनांक २६.०३.२०१८ रोजी स्थापण्यात आले. हे मंदिर पापनाथेश्वर माध्यमिक विद्यालयाच्या प्रांगणात असून, डॉ. एकनाथ मुंडे यांनी याची स्थापना केली.

इच्छापूर्तीश्वरनाथाचे दर्शन घेऊन भक्तांनी मनोकामना व्यक्त करावी, अशी श्रद्धा आहे. भावभक्तीने पूजा केल्याने कौटुंबिक, आर्थिक व मानसिक अडचणी दूर होतात, असा अनुभव आहे.

गेल्या दहा वर्षांपासून दर शनिवारी डॉ. मुंडे मोफत रोगनिदान व उपचार सेवा देत होते. आता ही सेवा दर शुक्रवारी उपलब्ध आहे. पंचक्रोशीतील महादेव मंदिरांमध्ये या मंदिराने विशेष स्थान प्राप्त केले आहे.

पुस्तके आणि लेख

डॉ. एकनाथ मुंडे यांनी आजपर्यंत ७ पुस्तके लिहिली असून सुमारे १००० हून अधिक लेख प्रकाशित केले आहेत. पुण्यातील "ग्रहांकित", "ज्योतिषज्ञान" मासिक तसेच नाशिक येथील "भालचंद्र" मासिक यामध्ये त्यांचे लेख सातत्याने प्रकाशित होतात.

मराठवाडा आणि बीड जिल्ह्यातील सर्वच दैनिक, साप्ताहिक, मासिकांमध्ये त्यांचे आरोग्य व ज्योतिषविषयक लेख प्रसिद्ध झाले आहेत. "भविष्य दर्पण", दिवाळी अंक, विशेषांक यामध्येही लेख प्रकाशित झाले आहेत.

डॉ. मुंडे हे मराठी भाषेचा प्रचार, साहित्य संमेलने आयोजित करणे आणि ग्रामीण भागात साहित्य संस्कृती जिवंत ठेवण्यासाठी सतत प्रयत्नशील आहेत. त्यांनी पाच साहित्य संमेलने आयोजित केली असून सहाव्या संमेलनाची तयारी सुरू आहे.